Mat á tónlistarnámi

Reglur sem gilda um mat á námi úr Tónlistarskóla Rangæinga inn á námsbrautir Fjölbrautaskóla Suðurlands.

• Að jafnaði er minnsta grunneining til mats Grunnpróf, þ.e. lokapróf grunnnáms, og er það metið til 6 eininga, óháð því hvenær því er lokið. Stundi nemandi samhliða nám í Tónlistarskólanum og Fjölbrautaskólanum getur hann þó fengið 2 eða 4 einingar metnar.

• Hafi nemandi lokið u.þ.b. hálfu miðnámi og fengið formlega staðfestingu Tónlistarskólans í því sambandi (sem 4. stigi í HLF) er það metið til 4 eininga í frjálsu vali hjá nemandanum.

• Hafi nemandi lokið Miðprófi, þ.e. lokaprófi miðnáms, er heimilt að meta það til 12 eininga á kjörsviðum bóknámsbrauta en auk þess til allt að 12 eininga til viðbótar í frjálsu vali. Með prófskírteininu lætur Tónlistarskólinn fylgja yfirlit um staðnar námseiningar í tónheyrn (TÓH) og tónlistarsögu (TÓS) eftir því sem við á hverju sinni.

• Hafi nemandi lokið u.þ.b. hálfu framhaldsnámi og fengið formlega staðfestingu Tónlistarskólans í því sambandi (sem 6. stigi í HLF) er það metið til 6 eininga á kjörsviði eða í frjálsu vali hjá nemandanum.“

Selfossi 29. mars 2006