Tónlistarskóla Rangæinga

Áfanga- og stigspróf

Prófkerfi tónlistarskólana hefur á síðustu árum breyst, í staðinn fyrir stigspróf sem voru alls 8 stig, er búið að breyta yfir í 3 stór áfangapróf. Stofnuð var prófanefnd, sem sá um að öll próf yfir landið væru samræmd, nefndin sér um að senda prófdómara til viðkomandi tónlistarskóla.

Þessi áfangapróf skiptast niður í

grunnáfangapróf sem er sambærilegt við gamla þriðja stigs prófið,
miðáfangapróf sem er sambærilegt við gamla fimmta stigs prófið,
framhaldsáfangapróf sem er sambærilegt við gamla sjöunda stigs prófið.

Undirbúningur fyrir þessi áfangapróf getur tekið nokkur skólaár, t.d. fyrir grunnprófið gæti undirbúningur tekið þrjú til fjögur ár eftir getu og áhuga hvers nemenda, þess vegna höldum við áfram í gamla stigakerfinu, eins konar millistig innan skólans, ástæða fyrir þessum millistigsprófum er að þau eru góð þjálfun fyrir nemendur í að koma fram og taka próf. Þessi millistigspróf eru dæmd af innanskólaprófdómara.

Fyrsta og annað stig eru forpróf fyrir grunnáfangaprófið.
Fjórða stig er forpróf fyrir miðáfangaprófið.
Sjötta stig er forpróf fyrir framhaldsáfangaprófið.

Skólinn stefnir að því að nemendur ljúki alltaf sambærilegu tónfræðigreinaprófi samhliða hljóðfæraprófi í lok skólaárs, ásamt því að kennarar gefi nemendum skriflega umsögn yfir ástundun og námsárangur.